Hubog nisulod og balay sa silingan nanigbas

CEBU, Philippines — Angol ang usa ka 57-anyos nga lalake human kini gitigbas matod pa sa iyahang 51-anyos nga silingan nga giingong hubog diha sa Sitio Huyong-Huyong, Barangay Mambaling, siyudad sa Sugbo niadtong Huwebes sa hapon, Abril 10, 2025.  Ang suspek mao si Dino Mangco Matanog, 51, e-bike driver samtang ang biktima mao si Isaias Cardosa, 57.

Matud pa samtang ang biktima naghigda sa higdaanan , kalit nisulod ang suspetsado nga gituohang hubog ug gitigbas ang biktima sa ulo.

Dali nga nisibat ang suspek ug gilabay ang sundang apan nadakpan ra sab kini dayon.  Sa impormasyon sa Mambaling Police Station 11 Cebu City Police Office nga alas 2:30 sa hapon niadtong Huwebes gidakop sa mga tanod  sa barangay ang suspetsado.

Ang biktima padayon nga nagpaalim sa tambalanan samtang ang pasakaan og kasong frustrated homicide ang suspect.—IBM BANAT NEWS