Mga magtutuo sa Boljoon emotional sa pagkauli sa pulpit panels

CEBU, Philippines — Mga magtutuo nga taga Lungsod sa Boljoon ang emotional ug wala makapugong sa ilang paghilak dihang niabot na ug napahimutang sa sulod sa simbahan sa Nuestra Señora de Patrocino Church of Boljoon ang pulpit panels nga nawala sulod sa kapin sa 30 ka tuig.

Mga alas 6:00 sa buntag kagahapon nibiya ang convoy sa pulpit panel sa Cebu Archdiocesan Museum sa Dakbayan sa Sugbo ug nipaingon kini sa Lungsod sa Boljoon diin pagka-alas 10:15 sa buntag hingpit nga nainstolar ang mga pulpito sa simbahan.

Nalangay ang pag-abot sa maong mga pulpito sa Lungsod sa Boljoon tungod sa nasinati nga pag-ulan.

Ang mga tawo nag-atang diha sa may El Pardo sa lungsod hangtud sa simbahan diin aduna sila’y bitbit nga mga banderitas.

Ang maong mga pulpit panel gisugat kini diha sa chapel sa Talisay sa maong lungsod duol sa parokya ug didto gipahigayon ang mubo nga prosisyon.

Atol sa pag-abot sa maong mga pulpit panel sa simbahan diin naghugop ang mga tawo ningsuliyaw sila sa kalipay human sulod sa dugay nang panahon wala kini nila igkita.

Ang mga magtutuo wala kapugong sa paghilak lakip ang pipila ka opisyales lungsod gumikan sa ilang kalipay ilabi na hingpit na nga nabutang sa altar ang lima na ka panid pulpito apil niini ang usa nga mao nalang ang nahibilin sa simbahan gikan sa lima nga nangawala.

Ang mga magtutuo nipadayag nga mas dako pa unta ang ilang kalipay kong hingpit na unyang mahiuli ang na-missing pa nga usa ka panel.

Si Monsignor Arthur Navales, kura paroko sa Nuestra Señora de Patrocino Church of Boljoon nagkanayon nga andam na ang PPC ug mga lumilihok sa simbahan sa mga bulohaton alang sa public viewing nga ipahigayon sulod sa lima ka adlaw hangtud sa Marso 18, 2025.          

Gibutyag ni Navales nga tak-opan nila ang public viewing sa Marso 19 ngadto sa 20, 2025 aron mapahimutang na og balik ang mga panel isip pagpangandam sa blessing nga himuon ni Archbishop Jose Palma sa Marso 21, 2025. BDB BANAT NEWS