Ex-vice mayor, mga igsuon gidakop
CEBU, Philippines — Nasikop pinasikad sa warrant of arrest ang kanhi bise mayor sa Lungsod sa Minglanilla Loben Geonzon, kanhi konsehal sa lungsod nga karon kasamtangang barangay kagawad nga si Atty. Lynette Geonzon ug ilang mga igsuong sila si Glenson ug Lonito.
Si Judge Albie Charisse Faith Sojor sa Municipal Trila Court sa Minglanilla mao ang nag-issue sa warrant of arrest batok sa mga nahisgutan.
Ang kaso mahitungod kini pagtukod og koral sa ilang luna nga matud pa wala'y permit.
Gipadad-an sila og notices of illegal construction and violation apan giingong gipadayon gihapon og tukod ang koral.
Ang maong pagkoral gireklamo sa mga residente kay naalihan ang ilang agianan ug nidangop sila sa Municipal Engineering Office.
Gisusi dayon kini sa Office of the Building Officials ug nasuta nga wala'y permits matud pa ang gihimong pagkoral sa maong nga managsuon.
Giingon nga makadaghang higayon na nga nagpadala og notice of illegal construction and violations ngadto sa mga Geonzon apan giingong nagsige og saad nga mokuha sila og permit.
Apan wala gihapon sila molihok pagkuha og permit ug gipadayon ang pagkoral sa ilang yuta.
Kalapasan sa Section 301 sa Presidential Decree No. 1096 kun National Building Code of the Philippines ang giatubang sa managsuon.
"From the evidence presented thus far, the undersigned finds that there is prima facie evidence to charge the respondent for violation of Section 301, Chapter 3 (Illegal Construction) of PD No. 1096 otherwise known as the National Building Code of the Philippines, and that there is reasonable certainty of conviction based on available witnesses and documentary evidence produced," sigon ni Assistant Provincial Prosecutor Ivy B. Susvilla-Layson sa summary resolution nga giaprubahan ni Provincial Prosecutor Ludivico Vistal Cutaran. Nakapiyansa ra ang managsuon og P12,000 hinungdan nga nakagawas na sila karon. (CEBU NEWS)
- Latest
