P2.2 milyon ang danyos sa nasunog nga bakery

CEBU, Philippines — Niabot ngadto sa P2.2 milyones ang danyos sa sunog nga niulbo diha sa Ramon Magsaysay Extension, Barangay Kasambagan SA Dakbayan sa Sugbo nga naglambigit og balay patigayon.

Ang alarma nadawat sa kabomberohan alas-3:25 sa kaadlawon adlaw nga Huwebes, Oktobre 7,2024 ug napawong alas 4:25 o paglabay sa usa ka oras.

Ang nasunog usa kini ka balay nga gihimo nga lutoanan og pastries matud pa sa tigpamaba sa Cebu City Fire Station Senior Fire Officer 3 Wendell Villanueva.

Walay gikataho nga nakalas o naangol sa maong sunog nga niulbo diin usa ka structure ang hingpit nga naugdaw nga giingong giokupahan ni Arthur Arabis ug uban pa.

Matud pa ni Villanueva, gituohan nga electrical ang hinungdan sa pag-ulbo sa maong sunog apan padayon pa gihapon ang imbestigasyon sa ilang imbestigador.  IBM BANAT NEWS