Pagdagsa sa mga tawo sa Pasigarbo tutokan

CEBU, Philippines —  Dili manghilabot ang Probinsya sa Sugbo sa pagdumala sa kapulisan sa entrance sa Cebu City Sports Center (CCSC) alang sa mga mosaksi sa Pasigarbo sa Sugbo karong adlawa, Agosto 25,2024.

Atol sa ulahing tigom nga gipahigayon sa mga stakeholders sa Pasigarbo niadtong Byernes, si Garcia nagkanayon nga dili siya gusto nga magkagubot sa entrance tungod kay nagdasok na ang mga tawo ug wala na dayon ma control sa kapulisan.

"We will not interfere. The trouble the last time was, somebody came, giorderan ang ang PNP (nga) open it," matud ni Garcia kinsa nagkanayon nga mao to ang hinongdan nga nagkagubot ug wala na makontrol sa mga kapulisan ang pagsulod sa mga tawo.

Si Lt. Col. Janette Rafter sa Cebu City Police Office nagkanayon nga ilang siguraduhon nga mabulag na daan ang adunay wristbands ug kadtong wala.

"Butangan na namo'g police along the lane kay i-divide man to siya ...kadtong with wristbands ug without wristband latagan na lang to namo'g police," matod ni Rafter ngadto ni Garcia.

Ang gobernador nihangyo nuon sa kapulisan nga "segregated na (ang mga tawo) from the entrance up to the corner of the street" aron sa dalan pa lang daan mabahin na ang kadtong adunay wristband ug wala ug ma double check sa mga police ang mga dala sa pagsiguro nga walay makasulod nga gidili sulod sa CCSC. Ang wristband gipanghatag sa probinsya ngadto sa mga LGUs samtang ang ubang mosaksi ipatuman ang "first come first serve basis."

Ang Pasigarbo sa Sugbo street dancing magsugod alas 2 sa hapon gikan sa Cebu Capitol padulong sa CCSC alang sa ipahigayon nga grand ritual showdown sa 51 ka mga contingents.

Sa pikas bahin, gipahigayon ang sendoff mass para sa mga performers sa Mandaue City Cultural Dance Troupe nga mosalmot sa Pasigarbo sa Sugbu diha sa National Shrine of Saint Joseph kagahapon.

Ang mga performers mopakita sa ilang sayaw - pag-ampo sa Sagrada Pamilya nga usa ka tradisyon sa mga Mandauehanon ang panagtagbo sa Amahan nga si Senyor San Jose, ang Inahan nga si Birhen Maria ug ang Anak nga si Senior Sto. Niño.

Ang send-off ceremony gitambungan sa mga opisyales sa siyudad sa Mandaue apil na si Mayor Jonas Cortes.

Sa pikas bahin, apil sa mga iparada atol sa Pasigarbo ang nagkadaiyang mga carroza sa mga patron sa nagkadaiyang lungsod ug dakbayan sa Probinsya sa Sugbo.

Pipila sa mga nag adorno nibutyag nga mapasigarbo ug malipayon sila nga maapil ang ilang mga Santos sa Pasigarbo diin maoy ilang pangaliya nga walay mga kakulian nga masugatan ang ilang mga contingent.--Le Phyllis Antojado ug reports nilang