Seminarians gibansay og disaster response

CEBU, Philippines — Ang City Disaster Risk Reduction and Management (CDRRMO) sa Siyudad sa Lapu-Lapu mipaubos og seminar para sa mga seminary aron mahatagan sila og kahibalo nga pwede nilang magamit panahong nga dunay emerhensiya.

Si Nagiel Banacia maoy nangulo sa CDRRMO sa pagbansay sama sa fire prevention, basic firefighting, water survival ug uban pa.

Si Banacia sa wala pa mangalagad sa publiko, usa siya ka kanhi seminarian, namahayag nga bisan kinsa, apil ang mga naa sa relihiyosong sektor, kinahanglang dunay kaalam ug andam sa pagtubag sa emerhensiya.

Samtang  naglaraw ang Dakbayan sa Talisay nga magtukod og life guard center diha sa Barangay Poblacion kun mahuman na ang pagbansay sa mga sakop sa Talisay City Disaster Risk Reduction Team.

Si Alvin Santillana, pangu sa CDRRMO nagkanayon ilang palambuon ang ilang water rescue capabilities karong gi-obserbar ang disaster resilience month. Sigon pa ni Santillana nga ilang gitutokan ang water rescue tungod kay ang mga dagko nga barangay sa Talisay naa sa coastal area.

Gani niadtong buwan sa Pebrero, 20 ka sakop sa Talisay CDRRMO, community first responder ug resort life guards ang gipaubos sa lima ka adlaw nga water search, safety ug rescue training. Ang mao sab nga grupo mao ang mopaubos sa international lifesaving ug lifeguarding training and seminar.

Kung mahuman na ang ilang training diha na sugdan ang pagtukod sa Life Guard Center sa Barangay Poblacion nga maoy sentro sa coastal areas sa dakbayan. Gabriel Bonjoc, IBM BANAT NEWS