Palma wala mag-endorso og produkto–Archdiocese

CEBU, Philippines — Ang Archdiocese of Cebu nipagawas og public advisory human niabot sa ilang attention ang taho nga giingong adunay nikatap nga advertisement ug promotion nga nagbutyag nga si Archbishop Jose Palma ang nag-endorso og produkto.

Ang Archdiocese of Cebu niklaro nga ang pangangkon walay kamatuoran ug misleading.

Ang maong advertisement nga giingong giendorso ni Palma naghatag kini og 50 porsyento ug buy 1 get 1 free sa mga mopalit sa giingong “Salita ng Diyos”.

Ang publiko giawhag nga magmatngon ug dili magpadala sa mga bakak nga pangangkon ug alang sa tukma nga mga kasayoran ug genuine nga endorsements kinahanglan ngadto sa official nga channels sa Archdiocese of Cebu ug sa mga kasaligan nga tinubdan. BDB BANAT NEWS