Kabataan sa Cebu City gipasidunggan sa 5th PSKA

CEBU, Philippines — Gipasidunggan ang Youth Development Office niini ug duha ka Sanguniang Kabataan Councils sa Cebu City atol sa 1st Positive Youth Development Awards (PYDA) ug 5th Philippine Sangguniang Kabataan Awards (PSKA) sa Boracay Island sa Aklan.

Ang Cebu City Youth Development Office (CCYDO) giila isip outstanding local youth development office awardee sa Positive Youth Development Awards (PYDA).

Ang PYDA giila sa Positive Youth Development Network ug sa National Youth Commission nga mopasidungog sa mga tawo ug organisasyon sa ilang talagsaong kontribusyon sa nagkadaiyang Local Youth Development Offices sa tibuok nasud sumala pa sa Cebu City PIO. Si Paolo Martin Saberon, pangulo sa CCYDC mihulagway nga ang nadawat nilang pasidungog testamento kini sa dedikasyon sa ilang buhatan pagpalambo sa kabataan sa siyudad.

“From advocating for important policies like the Local Youth Development Office and the Students’ Rights and Welfare Ordinance to implementing programs that promote leadership and community engagement, our commitment to youth development is unwavering,” sumala pang Saberon.

Ang CCYDC adunay gilusad nga mga programang nakatabang sa paglambo sa kabataan sa siyudad sama sa Spread Gugma campaign para sa HIV Awareness, Amuma (Adolescent Sexual and Reproductive Health), Pasko sa Kabatan-onan every Christmas, Youth Food Fair, Higher Level Education or Training Readiness Orientation (HERO) for Education and Scholarship Fair, Sugbugkus, and YouthFest Sugbo, ug daghan pang uban.

Aktibo ang CCYDC sa pakiglambigit ug kooperasyon ngadto sa mga nagkadaiyang organisasyon sa mga kabataan ug mga stakeholders sa paghimo og mga plano, budgeting process sama sa pagtabang sa kabataan pagporma sa Local Youth Development and Annual Investment Plans.

 “By involving these stakeholders, we ensure they play a vital role in shaping our programs, even during the detailed budgeting stages,” matud pang Saberon.

Sa pikas bahin, ang barangay Tisa ug Lorega-San Miguel’ SK Councils naapil sa napulo ka kapin 500 ka SK Councils sa Pilipinas atol sa 5th Philippine Sangguniang Kabataan Awards (PSKA).

Doble ang nakuha sa Tisa SK Council tungod kay nakadawat sab sila og laing pasidungog, ang Youth Task Force initiative.

Matud pa ni Tisa SK chairperson Riziel Saladaga ang paggamit nila og digital platforms isip paagi sa komunikasyon ug paghatud og impormasyon bahin sa ilang mga kalihokan nakatabang og dako kanila.

Samtang si James Bernard Cabido, Lorega San Miguel’s SK chairperson, miingon nga gihimo nilang tulobagon sa tanan ug walay gitago ang ilang pamaagi sa pagdala sa ilang buhatan.(BANAT N EWS)