Dugang mga patigayon mituman na sa 3-meter easement l
CEBU, Philippines — Ubay–ubay na sa mga balay patigayon ang misanong sa awhag sa kagamhanan sa dakbayan sa Sugbo nga boluntaryo sila nga moguba sa mga illegal nga estraktura nga gitukod diha sa daplin sa kasapaan ingon man sa mga sidewalks.
Lakip sa mga establisamento nga labing uwahing misanong ug boluntaryo nga miguba sa ilang estraktura nga ubos sa three-meter easement mao ang Southern Groove Properties.
Ang maong propedad nahimutang atbang sa Cebu Technical University diha sa R. Palma sa Barangay San Roque.
Segun sa tahu sa Cebu City PIO ang SGP mi demolished sa ilang warehouse nga giabangan usab og laing business establishment.
Gawas niana, usa ka estraktura sa may Tabacalera Bridge sa M.J. Cuenco Avenue ang boluntaryo usab nga gihawanan sa tag-iya.
Lakip usab sa misanong sa awhag sa siyudad mao ang management sa Howling Dogs Bar and Grill diha sa D. Jakosalem corner Gen. Maxilom Avenue nga boluntaryo usab nga miguba sa pipila ka parte sa ilang propedad nga naka-ali sa sidewalk.
Sa nasayran ang Task Force Gubat sa Baha sa dakbayan kanunay nga nag monitor ingon man nakigtigum sa mga business establishments sa tinguha nga makabaton og win-win solution aron masulbad ang problema sa pagbaha sa dakbayan nga nakaapekto usab sa ilang negosyo.(BANAT NEWS)
- Latest
