P8.1 milyong shabu nasakmit gikan sa HVI
CEBU, Philippines — Nikabat ngadto sa P8.1 milyones ang kantidad sa shabu nga nasakmit gikan sa suspetsadong durugista atol sa gipahigayong operation sa Provincial Intelligence Unit sa Cebu Police Provincial Office (CPPO) niadtong Miyerkules sa gabii diha sa Purok Mangga, Barangay Yati, Lungsod sa Liloan. Nasikop sa kapolisan si Niño Chavez, 21-anyos, residente sa Purok Miracle Fruit, Barangay Yati sa maong Lungsod giingong usa kini ka high value individual (HVI). Nasakmitan gikan sa suspetsdo ang 1,200 gramo nga shabu nga nagkantidad og P8.1 milyones. Base sa taho sa PIU CPPO nga ang suspetsado giingong bodegero sa ilegal nga drugas ug ihagbong niya kini diha sa mga lungsod sa Consolacion ug Liloan. Nasayran nga ang suspetsado maka-dispose kini og duha ka kilo nga shabu matag semana.
Giingong dili kini makigtransaksiyon og ginagmay ug ang pinakamenos niini nga tagak sa drugas 100 gramo. (Romeo D. Marantal/BDB) BANAT NEWS
- Latest
