P20 milyong shabu nasikop sa duha ka operasyon

CEBU, Philippines — Moabot kapin P20 milyones nga shabu ang nasakmit sa duha ka operasyon sa kapolisan dinhi sa Sugbu nga niresulta sa pagkasikop sa mga drug suspects.

Niadtong   Miyerkules sa gabii, gironda sa mga sakop sa Regional Police Drug Enforcement Unit (RPDEU) sa Police Regional Office(PRO)-7 ang Sitio Subusteha, Barangay Kalunasan, siyudad sa Sugbo ug nasakmit ang  2,050 gramong gituohang shabu nga nagkantidad og P13.9 milyones.

Nadakpan ang subject sa buy-bust operation nga si alyas Totong, 31, taga Unit III, Barangay Kalunasan nga usa ka high value individual kinsa tulo ka semana nilang gipanid-an ug nasuta nga makabaligya kini og usa ka kilong shabu kada semana.

Sa laing operasyon, laing HVI ug mga kaubanan niini ang nasikop sa mga sakop sa Sawang Calero Police Station sa may Belgium Street, Barangay Suba ning Dakbayan sa Sugbo.

Ang nasikop mao si alyas Bebs, subject sa buy-bust, ug mga kaubang sila si Joe, 47 ug Cris, 27, puros residente sa maong lugar. Nasakmit gikan kanila ang 1.052 gramong gituohang shabu nga nagkantidad P7.2 milyones ug buy-bust money.

Kasong paglapas sa RA 9165 ang ipasaka batok sa mga dinakpan. — Romeo D. Marantal ug Rowena  Capistrano/IBM BANAT NEWS