Garcia motambong sa SONA ni Marcos
CEBU, Philippines — Motambong karong adlawa, Hulyo 22, si Gobernador Gwendolyn Garcia sa State of the Nation Address (SONA) ni Presidente Ferdinand “Bongbong” Marcos, Jr..
Sayo pa, si Garcia nideklarar og tibuok nga suporta kang Marcos ug sa administrasyon ninii taliwala sa taho nga nabuak na ang UniTeam ni Marcos ug Bise President Sara Duterte.
Ang gobernador sukad sa pagkadaog ni Marcos sa eleksiyon isip presidente sa nasud kanunay kini nga nitambong sa SONA.
Ang maong SONA maoy ikatulo nga pagtaho ni Marcos sa iyang nalampos sa unang tulo ka tuig nga termino isip presidente sa nasud.
Matud ni Marcos nga ang iyang SONA motutok sa update sa gipaninguha sa iyang adminstrasyon alang sa mga Pilipino gikan sa pagpalambo sa ekonomiya ug pagtubag sa kriminalidad ug ubang problema sa nasud.
“So, ire-report ko kung talaga bang ‘yung mga sinimulan natin ay tuloy-tuloy at maganda pa rin ang progress at kung gaano pa katagal bago matapos ‘yung malalaking project na ‘yan”, matud ni Marcos sa taho sa Presidential Communications Office.
Ang presidente matag tuig mohatag kini sa iyang SONA kanunay sa unang Lunes sa bulan sa Hulyo aron itaho sa publiko ang sitwasyon sa nausd ug agenda sa admisntrasyon ug paghangyo sa kongreso nga mopasar og mga prayoridad nga mga balaodnon.
Ang sunod nga session sa 19th Congress magbukas karong buntag ug inigka hapon ang oras sa SONA sa president. (BANAT NEWS)
- Latest
