Brigada Eskwela nasab ang tutokan

CEBU, Philippines — Karong nahuman na ang mga dagkong national events sa Sugbu, ang Cebu City Police Office (CCPO) nitutok na sab sa pagbukas sa klase karong Hulyo 29, 2024.

Matod ni Police Lieutenant Colonel Janette Rafter, Deputy City Director for Administration sa Cebu City Police Office nga magbutan og Police Assistance Desks(PADS) sa mga tunghaan.

Kini aron makatabang sa unsa may mga kinahanglanon sama sa pagpatunhay sa dagan sa trapiko sanglit gilauman nila nga mosugwak ang mga estudyante.  Gawas niini, tinguha sab nila nga masiguro ang seguridad sa mga tinun-an.

"Sa atong nakita ug sa atong mga na experience na before ilabi na mga bag-ong estudyante halos tibuok pamilya mohatod niana so we ensure also especially sa mga dagkong eskwelahan nga dako og population we will be establishing our PADS there," sigon ni Rafter.

Giawhag sab nila ang mga ginikanan sa mga estudyante ilabi na kadtong mga gagmay pa nga butangan og nametags ang ilang mga bata nga dunay contact number aron maoy tawagan kun dunay mga kakulian. (BANAT NEWS)