Mga miyembro sa 4Ps mahimo na moapil sa SSS
CEBU, Philippines — Mamahimo ng makaangkon og baratong social insurance ang mga miyembro sa Pantawid Pamilyang Pilipino Program (4Ps) pinaagi sa Memorandum of Agreement (MOA) nga gipirmahan sa Department of Social Welfare and Development (DSWD) ug Social Security System (SSS) niadtong Lunes, Hulyo 8, 2024.
Nagkanayon si DSWD Asst. Secretary ug agency spokesperson Irene Dumlao nga swerte ang ahensya nga nakig-alayon sa state-run SSS kay kining pakigtambayayong molugway sa social security coverage nga maghatag kanila ug safety nets gikan sa pagkawala sa kita, sakit, ug uban pang financial burden.
Gitawag ang pakigtambayayong sa mga ahensya isip "4Ps AlkanSSSya Program" nga gidesenyo aron maghimo og tukma nga talaan sa subsidy sa kontribusyon para sa organisadong grupo sa 4Ps.
Kini nga talaan matukod base sa usa ka actuarial study ug ang aktuwal nga abilidad sa mga benepisyaryo sa pagbayad sa minimum nga binuwan nga kantidad nga Php 570.00. Ang mga benepisyaryo mismo ang mobayad sa binuwan nga premium sa SSS.
Ang mga benepisyaryo sa 4Ps nga sakop sa worker's associations, informal sector groups (ISG), ug Sustainable Livelihood Program Associations (SLPA) masakop usab niini nga partnership.
Ubos sa kasabutan, ang SSS motabang sa DSWD sa pagparehistro ug pagproseso sa mga aplikasyon alang sa tanang kwalipikadong benepisyaryo. Ang duha ka ahensya mao usab ang responsable sa pagpahigayon og mga seminar ug orientation activities alang sa 4Ps organized groups.
Dugang niana, gipadayag ni 4Ps National Program Manager and Director Gemma Gabuya ang kamahinungdanon sa insurance sulod sa Social Welfare and Development Indicator (SWDI) Framework sa DSWD. (BANAT NEWS)
- Latest
