Ordinansahon pagdili sa disposable tablewares gitugyan sa Committee on Laws
CEBU, Philippines — Gitugyan alang sa dugang pagtuon ngadto sa Committee on Laws sa konseho sa Dakbayan sa Sugbo ang ordinansahon nga gitawag og “Regulating The Distribution and or Use of Disposable Tableware and Food Containers & Accessories for Dine-in and Takeout Purposes in All Food Establishments in Cebu City”.
Kini ang gibutyag kagahapon ni Cebu City Councilor Jose Lorenzo Abellanosa.
"We came up this ordinance to encourage and to help our city", matud ni Abellanosa.
Si Abellanosa nagkanayo nga matag siyudad adunay waste analysis and characterization study (WACS) ug base sa report sa Cebu City Environment and Natural Resources Office (CCENRO) nga ang solid waste sa Dakbayan sa Sugbo ni-generate kini ngadto sa 314, 527. 32 tons matag tuig.
Matud ni Abellanosa nga 28.22 porsyento ang residual waste nga non-compostable o non-recyclable ug 35 porysyento ang recyclable ug makapaalarma na kini.
Ubos sa maong ordinansahon ang mga establisamento gidid-an sa pag-distribute og mga disposable nga tablewares sama sa stirrers, napkins lakip niini ang condiments.
Giklaro ni Abellanos nga walay labot sa maong ordinansahon ang street vendors, school canteens ug healthcare facilities tungod kay ang gipanggamit niini mao ang single-use.
Ubos sa maong ordinansahon adunay tukmang silot ang makahimo og kalapasan niini. —Jessa Grezil S. Bacus/CNU Intern/BDB BANAT NEWS
- Latest
