Laing Suroy-Suroy Sugbo ipahigayon sa Kapitolyo

CEBU, Philippines — Laing Suroy-Suroy Sugbo ang ipahigayon na usab sa Probinsiya sa Sugbo sa sunod bulan.

Ang tourism caravan sa Probinsiya sa Sugbo mosuroy na usab sa mga partisipante niini ngadto sa mga lungsod ug siyudad sa mid-west Cebu.

Matud sa Kapitolyo nga ang Suroy-Suroy Sugbo mo explore sa hidden beauty, industrial sites, culinary offerings, ug cultural treasures sa mga lungsod sa Tabuelan,

Tuburan, Asturias, Aloguinsan, Pinamungajan, Balamban ug Dakbayan sa Toledo.

Ang maong tourism caravan ipahigayon sa Hulyo 11 ngadto sa 13, 2024.

Ang Provincial Tourism Office nidapit sa mga gustong moapil sa Suroy-Suroy Sugbo  diin adunay package nga bayran alang sa tibuok pagsuroy.

Ang rate matag ulo magdepende kini accommodation nga pilion sa partisipante.

Ang Suroy-Suroy Sugbo usa ka programa sa turismo sa Probinsiya sa Sugbo nga ang tinguha mao ang pag-promote sa nagkadaiyang atraksiyon sa kalungsoran sa lalawigan ug pagpakita sa kasaysayan, kultura ug delicacies nga gama sa mga lokal. (BANAT NEWS)