Tabang pinansyal gihatag sa Kapitolyo sa mga lungsod sa 2nd district
CEBU, Philippines — Moabot sa P17.6 million nga kantidad sa tabang pinansyal ang gihatag sa Kapitolyo sa mga lungsod sa segundo distrito.
Si gobernador Gwendolyn Garcia maoy mi turn over sa cheke sa maong financial assistance pagtabang sa mga proyekto sa imprastraktura sa mga lungsod sa maong distrito. Sa maong kantidad, tag P2 milyones niini ang pito (7) ka LGUS ug ang P3.6 million alang sa 18 ka barangay.
Si Argao Mayor Allan Sesaldo, Dalaguete Mayor Ronald Allan Cesante, ug Samboan Mayor Emerito Calderon Jr. maoy personal nga midawat sa cheke gikan ni Garcia. Samtang sila si Alcoy Vice Mayor Neil Plando, Boljoon Vice Mayor Ervin Villanueva, Santander Vice Mayor Julie Anne Wenceslao, ug Oslob municipal administrator Johnro Guaren ang midawat sab sa gahin alang sa ilang LGU.
Tag tulo (3) usab ka barangay sa lungsod sa Argao, Dalaguete, Alcoy, Boljoon, Oslob, ug Santander ang nakadawat og tag P200,000 alang sa proyekto sa imprastraktura nga gustong ipatuman sa maong mga barangay.
Ang pag-apud apod sa tabang pinansyal nahitabo atol sa gipahigayon nga Caravan didto sa Dalaguete Sports and Cultural Center.
- Latest