Best practices sa Probinsiya sa Sugbo himuong sumbanan
CEBU, Philippines — Planong himuong sumbanan sa Association of Treasurers and Assessors sa rehiyon 5 o Bicol Region ang “best practices” sa panggobiyerno sa Probinsiya sa Sugbo.
Kini human sa ilang nahimong benchmarking nga kalihokan sa Kapitolyo sa Sugbo diin 50 ka provincial, municipal, ug city treasurers ug assessors sa maong rehiyon ang nitambong gipangulohan sa Tabaco City Treasurer Rafael Kallos ug vice president sa maong asosasyon.
Si Bise Gobernadora Hilario Davide III maoy nangulo sa Probinsiya sa Sugbo sa pagpakita sa gihimong mga “practices” sa Kapitolyo sa pagdala sa probinsiya.
Atol sa gihimong lunch reception diha sa Capitol Social Hall ang mga delegado nipadangat sa nagkadaiyang pangutana ug nikat-on sa mga lain-laing programa ug proyekto sa Probinsiya sa Sugbo hilabina pag-abot sa property assessment, tax-related concerns, financial management, property management, ug tourism collection fees ug uban pa.
Base sa taho sa Sugbo News, si Kallos nagkanayon nga daghan silang nakat-onan sa mga “best practices” sa Sugbo.
“We are really very honored and really we learned so much from the best practices of Cebu on the assessors’ side, and even tourism side. We really like to replicate some of these things that we learned today”, matud ni Kallos.
Ang rehiyon 5 gilangkuban kini sa lima ka probinsiya sama sa lbay, Camarines Sur, Camarines Norte, Sorsogon, Catanduanes, ug Masbate; ug pito usab ka siyudad sa Legazpi, Naga, Iriga, Tabaco, Ligao, Sorsogon, ug Masbate. — BDB BANAT NEWS
- Latest
