Rama mobiyahe sa Russia alang sa usa ka kalihokan
CEBU, Philippines — Gikatakdang molarga paingon sa Moscow sa Russia si Cebu City mayor Mike Rama karong semanaha hinoon dili na isip usa ka mayor human sa iyang unom ka buwan nga preventive suspension.
Gikompirma ni Rama nga siya gidapit sa usa ka kalihukan sa Moscow apan ang mga detalye sa iyang byahe naa sa Tourism Commission chair ug city councilor Joy Pesquerra ug Sister City Program Executive Director Karla Henry. Sila si Pesquerra ug Henry pulos kauban sa maong delegasyon.
“Dugay naman na…When I was not yet being suspended, that’s already being organized...Dugay na na uy!.that is an offshoot on our trip to Vladivostok(last year),” suma pa ni Rama.
Sa wa pa ang iyang suspension ang Department of Interior and Local Government mihatag na kang Rama og authority to travel.
Sa pagsuwat ning balita gi-finalize pa sa mga staff ni Rama ang mga requirement sa maong byahe aron malikay sa mga komplikasyon.
Samtang giklaro ni Rama nga dili siya mogamit og pundo sa gobyerno alang sa maong byahe.
“Bear in mind nga naa tay Constitutional right to travel..okay?... Plus wala man tay court order not to travel,” segun ni Rama.
Samtang gikompirmar ni Pesquerra nga adunay lahi nga delegation gikan sa Cebu City alang ngadto sa ilang sister-city, Vladivostok sunod buwan nga panguluhan usab ni city councilor Jaypee Labella. — /MEL (BANAT NEWS)
- Latest
