15-anyos nilayat sa M. Fernan Bridge naluwas

CEBU, Philippines — Usa ka 15-anyos nga lalaki nga miambak sa Marcelo Fernan Bridge habig sa Barangay Umapad  sa Siyudad sa Mandaue  alas-8 pasado ang takna sa miaging Domingo sa gabii Marso 10, 2024  ang naluwas alas 12 na  pasado ang takna sa tungang gabii nasigpatan kini sa mga mananagat dihang nga naglutaw  sa kadagatan  sa Cansaga sa Consolacion area.

Ang mga sakop sa Mandaue City Disaster Risk Reduction and Management Office (CDRRMO)  ang mikumpirmar usab labot sa maong taho nga ilang nadawat .

Dali nga ang mga personnel sa CDRRMO sa Siyudad sa Mandaue ang dali nga naghimo og    search and rescue operation ug ilang  gilibot sa pagpangita tibuok dapit sa Mactan Channel.

Sa paglabay  sa pipila ka  mga oras maoy ilang nasayran sa mga personnel sa CDRRMO  ug mga sakop sa Philippine Coast   Guard nga nagpangita niini  nga ang ilang gipangita ang naluwas na sa mga   mananagat.

Dali nga gidala  sa mga mananagat ang walay panimuot nga minor de edad nga lalaki ngadto sa  Marcelo Fernan Bridge nga maoy nahimutangan sa mga rescuers ug gidala kini sa Mandaue City Hospital  ug padayon pa kini nga  giatiman sa mga doktor ang mga bun-og  lawas niining naangkon

Ang amahan  sa maong minor  de edad  nga molupyo  sa Barangay Tabok sa maong siyudad nga naghimo og pakisusi  sa dapit nga giingong nanukad sa  pag-ambak  ang iyang anak daw dili makatuo sa gibuhat niini.

Wala pa sab kini masayod kun nganong gibuhat kadto sa anak. IBM BANAT NEWS