Milampos sa community based drug rehab program sa Lapu-Lapu gihataga g puhonan

CEBU, Philippines — Gihatagan ni Lapu-Lapu City Mayor Junard  "Ahong"   Chan og pinansiyal  nga   ayuda   ang  mga drug  surrenderees aron gamitong puhonan sa ginagmay nga negosyo nga magsilbi na nilang panginabuhian.

Ang maong  mga drug  surrenderees ang  nakadawat og tag P5 mil human  sa ilang pag-gradwar  sa Community-Based Drug  Rehabilitation program  nga gipasiugdhan  sa lokal nga kagamhanan.

Si Chan miingon nga buot niyang magbag-o kining mga kanhi drug users ug pinaagi niining gamay nga puhonan makatabang kini kanila sa ilang pagbangon ug pag-usa sa ilang  kinabuhi.

Sa nasayran nga mokabat  sa P75 mil ang gigahin ni Chan para  sa maong mga drug surrenderees.

Si  Garry  Lao,  executive director  sa City of Lapu-Lapu Office for Substance Abuse  Prevention  (CLOSAP) miingon nga sa 15  ka mga drug surrenderees mga gipaubos  sa Community - Based Drug Rehabilitation Program  sa kagamhanan  ang 11 lamang niini kanila ang hingpit nga nakahuman sa  programa kay ang upat napositibo na sab sa ilegal nga drugas sa dihang gisurpresa sila tanan og drug test.  (BANAT NEWS)