Presidente sa TCCCI niawhag nga ipahatag ang 13th month pay sa mga kawani
CEBU, Philippines — Nihangyo ang bag-ong presidente sa Talisay City Chamber of Commerce and Industry (TCCCI) ngadto sa iyang mga kaubanan nga negosyante nga ihatag ang 13th month pay alang sa ilang mga empleyado.
Sayo pa, ang Department of Labor and Employment (DOLE) nipahinumdom sa mga employer nga ihatag ngadto sa ilang mga empleyado ang 13th month pay.
Ang 13th month pay mandatory kini sa balaod nga ihatag ngadto sa mga trabahante.
Si Archie Campo, presidente sa TCCCI nibutyag nga sa iyang kompaniya nakahatag na sila og 13th month pay.
Ug alang kaniya ang trabahante mao ang naghatag og pagpalambo sa kompaniya hinungdan nga angay lang nga ihatag ang unsa man nga alang sa mga trabahante.
Nagtuo si Campo nga mohimo pa og maayong produkto ang trabahante kong anaa usab sila’y madawat nga pahalipay.
Si Campo niawhag sa iyang mga kauban nga negosyante nga motuman sa lagda sa balaod sa mamumuo gumikan kay kini mao ang moagak sa paglambo sa negosyo. — BDB (BANATNEWS)
- Latest
