Mangrove Center sa Cordova ipaubos sa rehabilitasyon

CEBU, Philippines — Isip kabahin sa pag-ugmad og samot sa turismo sa Munisipyo sa Cordova,  gikatakdang ipaubos sa rehabilitasyon ang Mangrove Propagation and Information

Center sa maong dapit dungan usab sa subling paglusad sa Mangrove Eco-Guides Program.

Subay niini nagpinirmahay na kagahapon og kasabotan ang Kagamhanan sa

Cordova, Cebu–Cordova Link Expressway (CCLEX) ug Metro Pacific Investments

Foundation (MPIF) alang sa maong tingoha.

Suma pa sa presidente sa MPIF nga si Melody Del Rosario nga moabot ngadto sa

P4.5M ang gitagana alang sa maong proyekto.

Gikalipay kini ni Cordova Municipal Mayor Cesar Suan gumikan kay seguradong

maghatag og dakong kaayohan sa ilang dapit ang padayon nila nga pag-alyansa sa

mga nagdumala sa CCLEX ug MPIF.

Lakip sa nitambong sa contract signing mao ang presidente sa CCLEX nga si Allan

Alfon kinsa nipahibalo nga molungtad lang og pipila ka buwan ang mangrove center

rehab.

Nasayran nga moabot ngadto sa siyam ka ektarya ang maong proyekto.

Maglangkob kini sa duha ka andana nga center nga palibotan og lapad nga

mangrove forest nga haum gyud sa mga turista.

Inig human sa maong pasilidad, isunod dayon  ang  board walk ug giandaman kini og

P 7 milyones pesos sa kagamhanan sa Lungsod sa Cordova. (BANAT NEWS)