IRO nga gipasanginlang mipatay sa amo ma release na
CEBU, Philippines — Mapadali na ang pag obserbar ni Spike, ang iro nga gipasanginlan nga mipatay sa iyang kaugalingong amo.
Si mayor Talisay City mayor Gerald Anthony Samsam Gullas nianunsyo niini human siya nakadawat sa death certificate ni George Mayol, 63 anyos nga nag ingon nga kini namatay sa atake sa kasing-kasing kun heart attack.
Hinungdan nga si Dr. Hope Dejadena, City Veterinarian mipadali sa obserbasyon ni Spike ngadto sa 10 ka adlaw imbis naa kini sa 14 ka adlaw.
Matud pa ni Gullas nga way rason nga dugayon pa ang obserbasyon ni Spike tungod kay wa kini kalabutan sa kamatayon ni Mayol.
Si Spike ang gikatakda nga marelease alang sa adoption karong adlawa. Wala sab nagpakita si Spike nga aduna kini rabies.
Gawas ni Spike adunay laing lima ka iro nga andam para sa adoption.
Nagpasalamat si Gullas ngadto sa tanan ilabi na ni Dr. Dejadana ug sa mga tawo nga andam mosagop ni Spike.
Gipadayag sa mayor nga hangtud karon padayon pa siya nga makadawat og mga mensahe nga nagpakita og suporta ni Spike ug andam mo adopt kaniya ug siya nalipay nga daghan sa mga tawo ang nagpakita og paghigugma sa mga iro. (BANAT NEWS)
- Latest
