1,063 ang gidakop sa Cordova police sud sa 24-oras
CEBU, Philippines — Nadakpan sa usa gihingusgang operasyon sa kapolisan sa Lungsod sa Cordova ang 1,063 ka tawo sa nagkadaiyang kalapasan.
Si Police Major Michael Gingoyon, hepe sa kapoliusan sa maong lungsod miingon nga ilang gisugdan ang operasyon sa alas sa buntag niadtong Mayo 28 ug natapos usab sa alas 5:59 sa buntag sa Mayo 29, 2023
Naglakip sa ilang mga nadakpan ang 13 ka mga gidudahang drug pushers nga nasakmitan og 8.04 gramong gituohang shabu nga nagkantidad og P54, 672.00. Usa usab ang ilang nadakpan sa paghupot olg armas nga walay lisensiya ug napulo ka mga wanted person, ang siyam niini wanted sa municipal level ug usa lamang ang wanted nga natala sa provincial level.
Sa ilegal nga sugal maoy ilang nadakpan ang 17 ka mga sugal nga naaktohan nga nagdulaa og tong-it ug adunay nagtigbakay.
Samtang sa kalapasan sa gipatuman nga mga lokal nga ordinansa nga naglakip sa pag-inom ug ilimnong makahubog nga dayag sa publiko,curfew, kalasapan sa trapiko, panigarilyo sa publikong lugar ug uban pa maoy ilang nadakpan 1, 020 ka tawo ug ang tanan nakabayad og multa sa buhatan sa tresurero sa maong lungsod. — Romeo T. Limpangog IBM (BANATNEWS)
- Latest
