DMC pabayaron na og buhis sa Kapitolyo

CEBU, Philippines — Niuyon ang Dolomite Mining Corporation sa Lungsod sa Alcoy nga mobayad na sa ilang tax sa Probinsiya sa Sugbo sulod sa 15 ka tuig.

Atol sa tigom tali ni Gobernador Gwendolyn Garcia ug sa opisyales sa DMC gipangulohan sa presidente niini nga si Cesar Omnes nagkauyon nga mobayad ang DMC og  P65.7 milyones ngadto sa Kapitolyo sa tax operation sa quarry sa maong kompaniya diha sa Barangay Pugalo sa nahigutang lungsod sukad niadtong tuig 2008.

Base sa taho sa Sugbo News nga mobayad ang DMC og pasiunang P20 milyones sa Kapitolyo samtang ang balanse anam-anam nga bayaran.

Ang DMC usa ka Filipino-Japanese firm adunay Mineral Production Sharing Agreement (MPSA) uban sa gobiyerno diin sila tugotan nga makamina og dolomite sulod sa 25 ka tuig hangtud sa tuig2030.

Ubos sa Cebu Provincial Ordinance No. 2008 - 10 ang mga kompaniya sa minahan gimandoan nga mobayad og buhis sa Probinsiya sa Sugbo. (BANAT NEWS)