14 ka PUJ nga nag-cutting trip nasikop sa MITCOM

CEBU, Philippines — Niabot ngadto sa 14 ka drayber sa Public Utility Jeepney (PUJ) ang gipangsita human sila nasakpan nga cutting trip diha sa kadalanan sa Lungsod sa Minglanilla.

Ang buhatan sa Minglanilla Traffic Command (MITCOM) nakadawat og daghang reklamo gikan sa mga pasahero nga giingong ang mga nagrota sa Minglanilla dili na molahos sa ilang rota.

Ang mga drayber adunay rota base sa nalatid nga prangkisa nga gihatag sa Land Transportation Franchising and Regulatory Board (LTFRB). Ang MITCOM nihimo sa operasyon  batok sa mga PUJ nga nag-cutting trip kinsa dili na moagi diha sa Merkado sa lungsod.

Usa sa ilang nasita mao ang drayber nga walay lisensiya sa pagmaneho hinungdan nga na-impound ang gidala niining unit.

Ang MITCOM nibahad nga kinalit nga pagsita ang ilang buhaton sa umaabot nga adlaw.

Kini aron masunod ang rota sa mga PUJ ug dili na mahasol ug madungag sa gastohan sa plitehan ang mga pasahero. (BANATNEWS)