2,000 ka boy scouts  nisalmot sa basic first aid

CEBU, Philippines —  Usa ang Cebu City Disaster Risk Reduction Management Office (CCDRRMO)  sa nipaambit sa ilang skills basic first aid sa pipila ka adlaw nga Regional Scout Venture Camp nga gibuksan sa niaging adlaw diha sa usa ka bukirang dapit sa Dakbayan sa Sugbo.

Niabot ngadto sa 2,000 ka boy scouts nga naggikan sa nagkadaiyang dapit sa Kabisay-an ang nisalmot sa maong kalihokan nga gipahigayon diha sa Capitol Hills.

Sa maong gidaghanon, 700 niini naggikan sa high school sa Siyudad sa Sugbo.

Base sa taho sa Cebu City Public Information Office nakauban usab sa  CCDRRMO sa pagpaambit og dugang training sa scouts ang Philippine Coast Guard alang sa basic swimming

samtang ang Philippine Air Force alang sa air scouting.

“Dako ang akong pasalamat ilabi na sa suporta sa DepEd, mga LGU ilabi na sa Cebu

City ni Mayor Michael Rama, ni Konsehal Joy Pesquera”, matud ni Salvio Quicho, acting regional scout director.

Nihatag usab siya sa iyang pagtimbaya sa Boys Scouts of the Philippines -Visayas Region.

Nagkanayon si Quicho nga adunay lima ka modules sa senior scout nga naglakip sa basic swimming, basic rescue, global development, child protection, land scouting, first aid, ug uban pa. (BANAT NEWS)