Cashless transactions ipatuman sa Mandaue Public Market

CEBU, Philippines — Mosagop na karon ang merkado publiko sa Siyudad sa Mandaue sa cashless transaction sama sa gihimo na sa mga dakong malls dinhi sa nasud.

Si Market Operations officer - in-charge  Cesar Mercadal  Jr.,  miingon nga makapasayon kini sa mga customer, kay pwedeng di na sila magdala og kwarta, cellphone nalang aron gamiton sa pagbayad.

Dugang sa full implementation sa digitalization program sa merkado publiko ang mga vendor makahimo na usa sa pagbaligya pinaagi sa online selling.

Si Mercadal miingon nga pagkakaron aduna nay pipila ka mga nanag-iya og stalls sa sulod sa nahisgotang merkado ang nagsugod na sa pagsagop sa cashless nga pagbayad sa ilang mga kustomer.

Sa dili pa matapos ning tuiga gikatakdang makompleto ang pagpatuman niini.— IBM (BANATNEWS)