P12 milyones gigahin sa Kapitolyo alang sa road project

CEBU, Philippines — Ang kagamhanan sa Probinsiya sa Sugbo mopatuman og laing road concreting project diha sa usa sa mga barangay sa Lungsod sa Carmen.

Ang Kapitolyo nigahin kini og P12 milyones alang sa pagpalambo sa Dawis-Triumfo road sa Barangay Triumfo nga gikatakdang mahuman sa dili pa ang tulo ka bulan.

Ang 820 meters nga dalan aduna kini sukod nga 6.1 meters nga gilapdon ug nine inches nga gibag-on.

Ang maong provincial road magkonektar kini sa Triumfo barangay road nga gikatakda usab nga ayohon sa Kapitolyo ubos sa P11.2 milyones nga pundo.

Si Gobernador Gwendolyn Garcia nangulo sa groundbreaking sa maong provincial road niadtong Marso 10, 2021 ug nisaad kini nga isunod ang pagpalambo sa maong dalan aron dili na lisod ang pagbiyahe sa mga residente sa maong dapit.

Ang Kapitolyo gikatakda usab kini nga mo semento sa tulo ka kilometros nga dalan sa Upper Natimao-an ngadto Caurasan barangay road sa nahisgutang lungsod. —BDB (BANATNEWS)