Grupong Alayon nihimo og proyekto
Cebu, Philippines — Nisugod na sa paglihok ang grupong Alayon sa Dakbayan sa Talisay pinaagi sa paggama og proyekto.
Bag-ohay lang, ang grupo sa Alayon nihimo og proyekto diha sa Sitio Cainta, Barangay Pooc nga gitawag og Bayanihan Project.
Ilang gisemento ang 400 metros nga karsada nga dugay na nga giantos sa mga molupyo.
Matud ni Mayor Gerald Anthoy “Samsam” Gullas Jr. nga wala gyud kini matagad nga problema gumikan kay ang yuta pribado man kini.
Ang grupo nihangyo sa mga pribadong kompaniya nga modonar og materyales alang sa maong proyekto aron dili sila masangit sa Commission on Audit (COA).
Gibutyag ni Gullas nga walay pundo nga gikan sa gobiyerno ang nagasto sa maong proyekto.
Subay niini, giingong daghan ang nangutana nga wala mauban sa grupo si Bise Mayor Alan Bucao.
Nasayran nga ang mga kapitan sa kabarangayan sa siyudad giingong nihimo kini og manifesto sa ilang pagsupak nga si Bucao ang mopuli sa pwesto isip mayor sa siyudad samtang si Gullas mobalik ngadto sa kongreso. ( BANAT NEWS)
- Latest
