Operasyon sa Cordova Fire Station nabalik na

CEBU, Philippines — Hingpit na nga nabalik sa ilang operasyon ang Cordorva Fire Station human sa paglibkas sa lockdown sa maong buhatan.

Ang 15 ka personnel sa Cordova Fire Station ang naka-recover na usab kini gikan sa covid-19 ug nakablik na sa ilang trabaho niadtong Biyernes.

Si Fire Officer 2 Jan Cyril Delfin nibutyag nga sa 16  nila fire personnel  ang usa na lang niini ang nagpabilin pa  sa isolation tungod kay wala  pa kini hingpit nga naka-recover gikan sa covid-19.

Matud ni Delfin nga nunot sa pagbalik na og trabaho  sa ilang mga personnel mopahigayon sila sa mga naandan nilang kalihokan niining panahon sa nagpadayon nga hulga sa covid-19.

Naglakip niini mao ang pag-disinfect ug decontamination sa mga dapit nga adunay   molupyo nga gikataho nga nataptan sa covid-19.

Si Delfin nagkanayon nga human nagpositibo sa covid-19 ang pipila nila ka personnel gipatuman nila ang higpit nga health protocols aron malikayan ang pagkatap sa virus.                                            

Lakip sa protocols mao ang pagsul-ob og face mask kon mogawas sa  panimalay,   social distancing ug ang pagpanghunaw  kanunay sa mga kamot gamit ang tubig ug sabon o alcohol. /BDB (BANATNEWS)