Hepe sa NORPPO niawhag nga magmabinantayon

CEBU, Philippines — Ang direktor sa Negros Oriental Provincial Police Office (NORPPO) Police Colonel Julian Entoma niawhag nga kanunay nga magmabinantayon karong tuig 2020 ug dili mokompiyan sa palibot.

Hinuon atol sa ika-51st nga selebrasyon sa anibersaryo sa New People’s Army (NPA) walay mga dagko nga panghitabo sa Negros Oriental gawas lang sa pagpusil patay sa ilang kauban nga si Marlon Almeniz didto sa Barangay Talatac, Lungsod sa Santa Catalina niadtong Disyembre 23, 2019 sa wala pa modeklara og ceasefire ang NPA.

Gibutyag ni Entoma nga padayon ang ilang camp defensive preparation sa tibuok Probinsiya sa Negros Oriental bisan og nideklara na og ceasefire ang NPA.

Buot ni Entoma nga dili mokompiyansa ang mga lokal nga police station ug kinhanglan usab nila nga protektahan ang ilang kaugalingon batok sa pagpangatake sa NPA diha sa Negros Oriental. /BDB (BANATNEWS)