DepEd Cebu City hatagan og sakyanan

CEBU, Philippines — Ang kagamhanan sa Siyudad sa Sugbo mohatag og tulo ka sakyanan alang sa Deparment of Education Cebu City Division aron adunay magamit ang 16 ka districts supervisors ug 12 ka division supervisors.

Matud ni Mayor Edgardo Labella nga ang maong mga sakyanan kinahanglan kaayo sa maong buhatana alang sa himuon nila nga monitoring ngadto sa mga bukirang barangay kay walay sakyanan ang DepEd Cebu City alang sa mga district supervisors ug division supervisors.

Si School Division Superintendent, Bianito Dagatan miingon nga una silang mihangyo og sakyanan sa miaging administrasyon apan wala sila hatagi niini kay adunay kini laing prayoridad.  Nunot niini, mipadayag sa iyang kalipay si Dagatan sa tulo ka sakyanan nga gisaad ni Labella kay daku kaayo kinig tabang sa ilang trabaho sa pagmonitor sa mga magtutudlo kon sila mitrabaho ba gyud sa ilang gimbuhaton ilabi na sa pagpanudlo ngadto sa mga estudyante.

Sa labing uwahing kalambuan, si Labella miingon nga himuon niyag lima ka sakyanan ang iyang hitag inay tulo. (/DILT)(BANATNEWS)