Mga magtutudlo gidid-an sa pagpost og politiko
CEBU, Philippines – Gipahimangnuan daan sa pangulo sa Department of Education (DepEd) Talisay City Division ang tanang magtutudlo nga dili magpost sa social media kabahin sa mga politiko nga magpapili karong piniliay.
Si Dr. Arden Monisit, ang schools division superintendent nagkanayon nga ang usa ka magtutudlo, magpabiling magtutudlo bisan paman og wala na siya sa iyang lawak saringan o eskwelahan.
Busa ang personal nga account sa usa ka maestra o maestro dili gyud mahimo nga mo-endorso og mga politiko.
Matud pa ni Monisit nga bisan man gani og mag “thank you” sa politiko dili gyud kini pwede.
Ang DepEd usa ka non-partisan sa piniliay mao nga maayo nga molikay nalang sa pagpost sa social media labot sa mga magpapili karong eleksyon.
Ang DepEd Talisay adunay 44 ka tunghaan nga adunay kinatibuk-ang dos mil ka mga magtutudlo.
Ang molapas sa maong lagda mahimo gyud nga mag-atubang og kaso. (/DILT)(BANAT NEWS)
- Latest
