Magpale wa matandog nga si Garcia gituboy ni Duterte
CEBU, Philippines — Wala na masurpresa pa si Bise Gobernador Agnes Magpale nga giendorso ni Presidente Rodrigo Duterte ang iyang kaatbang pagka- gobernador sa umaabot nga eleksyon nga si Kongresista Gwendolyn Garcia.
Si Duterte atol sa campaign rally sa Partido Demokratiko - Pilipino -Lakas ng Bayan (PDP-Laban) niisa sa kamot ni Garcia ug nagkanayon.
"Kini si Gwen, ako gyud ni suportahan," matud pang Duterte.
Matud ni Magpale wa na siya magdahom nga suportahan ni Duterte ang mga kandidato ubos sa iyang partido.
"We expected it and true enough PDP candidates were endorsed by the President. It is after all the party that he ran under for the Presidency in 2016," matud ni Magpale.
Ang One Cebu Party, usa ka lokal nga partido sa mga Garcia nga nakig-alyansa sa PDP- Laban.
Si Duterte atol sa rally sa PDP-Laban, nagkanayon nga atol sa iyang pagdagan sa 2016 national election, wala siyay nakuha nga suporta gikan sa mga political leaders dinhi, ug ihap ra ang nipadayag og suporta kaniya, naglakip kini sa mga Garcia sa One Cebu.
Si Magpale nagkanayon nga bisan pa man nga atoa nisuporta si Duterte sa iyang kaatbang mosuporta gihapon sila sa presidente.
Si Magpale maoy standard bearer sa Barug Alang sa Kauswagan ug Demokrasya (BAKUD) alang sa gubernatorial race sa lalawigan sa Sugbo sa umaabot nga eleksyon.
Ang BAKUD nakig-alyansa usab sa Nationalist Peoples Coalition (NPC). Ka-tandem ni Magpale si Gobernador Hilario Davide III nga nanaog sa iyang gidaganan ug nilansar pagka bise gobernador. (/IBM)(BANATNEWS)
- Latest
