Hapon naghikog sa hotel

CEBU, Philippines – Patay nang napalgan ang usa ka Hapon samtang kini nagbitay sa sulod sa giabangan niini nga kwarto sa usa ka hotel sa Brgy. Tabunok, Dakbayan sa Talisay niadtong Miyerkules sa udto.

Giila ang namatay nga si Minato Kazunori, 47-anyos, usa ka Japanese national.

Ang kapolisan sa Talisay nakadawat og tawag gikan sa tinugyanan sa maong hotel ug mipahibawo sa ilang nakaplagang patayng lawas sa langyaw.

Usa ka Romulo Besario, hosekeeper sa maong hotel maoy nanuktok sa kwarto sa Hapon aron pangutan-on kon mo-extend ba kini sa iyang pag-estar. Apan wala gyud mitingog maong langyaw hinungdan nga napugos sila sa pag-abli sa lawak niini.

Dinhi na nila nasuta nga nagbitay sa may pultahan sa banyo si Kazunori nga wala nay kinabuhi.

Walay nakitang foul play sa kamatayon sa langyaw ang kapolisan dihang ilang gisusi ang patayng lawas niini.

Ilang gidudahan nga posibleng adunay dakung problema ang langyaw hinungdan sa pagkutlo sa kaugalingon niining kinabuhi. (/DILT)(BANAT NEWS)