‘Tres marias’ sa tejero dunay koneksyon
CEBU, Philippines — Managsuong distributor og drugas sa Tejero, Dakbayan sa Sugbo nga gitawag og “Tres Marias” nadeskubrehang adunay koneksyon sa mga lokal nga opisyal sa barangay.
Giila sa kapolisan ang tulo nga sila si Arlene Ruth Dela Cruz- Arbiol, Maeliza Dela Cruz ug si Laurah Jean Dela Cruz-Sebumit.
Sumala pa sa direktor sa Police Regional Office-7, Chief Supt. Debold Sinas, nga target sa ilang One Time Big Time Operation niadtong Oktubre 4 ang tulo kinsa sa 82 ka search warrants, 44 niini batok sa maong magsuon.
Si Police Senior Supt. Remos Medina nagkanayon nga ang tulo ang tinubdan sa shabu sa Tejero hinungdan nga nahimong drug hotspot ang maong barangay.
Apan matud pa nga lisud dakpon sanglit mga dinagko ang ilang ipamaligya kinsa kasagaran sa ilang mga kustomer mga drug pushers.
Gibutyag ni Sinas nga dili basta-basta ang maong tulo ug gani giingong aduna silay direktang kontak sa Bilibid nga mao sab ang tig-supply og shabu.
“Malakas sila kasi may mga affiliations sila and kasamahan na may influence din sa barangay. May mga pictures, we can say na they have a wide influence perhaps,” matud ni Senior Supt. Royina Garma, direktor sa Cebu City Police Office.Wala hinoon gibutyag sa mga opisyal kun kinsa ang mga politiko nga adunay koneksyon sa tulo sa kahadlok nga pasakaan og kasong libelo.
Dugang ni Sinas nga gi-monitor na nila karon ang lihok sa maong mga nalambigit sa tulo ilabi na nga nagpadulong na sab ang piniliay. (BANAT NEWS)
- Latest
