Oratio Imperata ipadayon

CEBU, Philippines — Gusto ni Auxiliary Bishop Dennis Villarojo sa Archdiocese of Cebu ug kasamtangang team moderator sa Capitol Parish nga ipadayon ang pag-ampo sa Oratio Imperata alang sa sunod-sunod nga patay nga gipagawas ni Cebu Archbishop Jose Palma bisan nagsige pa gihapon ang patay sa Dakbayan sa Sugbo.

Matud ni Villarojo nga ang pag-ampo dili diha-diha makita ang epekto tungod kay ang resulta niini mao ang pagpabilin sa konsensya nga buhi.

Sumala pa sa Obispo nga kung mag-ampo ang tawo alang sa kamatuoran, magpabilin ang konsensya sa sakto hinungdan nga kinahanglan ipadayon ang pag-ampo sa Oratio Imperata.

Ang pangulo sa Commission on the Laity sa Archdiocese of Cebu nga si Fe Barino uyon nga ipadayon ang pag-ampo sa Oratio Imperata dili lang sa panahon sa Santos nga Misa apan lakip na sa mga kapunungan ug mga personal nga pag-ampo.

Dugang pa ni Barino nga ang nahitabo karong panahona usa ka “spiritual warfare” diin ang kaaway batok sa kadautan kinahanglan og hugot nga pag-ampo sa tanan. (BANAT NEWS)