Out of school youth gipa-ubos sa skills training

CEBU, Philippines - Mikabat sa 175 ka out of school ang nakabenepisyo sa P1 million grant sa probinsiya ubos sa Training for Work Scholarship Program (TWSP) sa Technical Education and Skills Development Authority (TESDA).

Ang mga local social welfare and development officers ang mipili sa maong mga scholar kinsa wala makatapos sa high school apan interesado nga mopaubos sa skills training.

Ang skills training sa mga out of school youth sa Alcoy, Alegria, Argao, Dalaguete, dakbayan sa Carcar ug Naga gigamit sa pag-train, assess ug pag-certify kabahin sa small engine motorcycle servicing NC II o automotive course. Kinahanglan nga makumpleto sa mga scholars ang 272 hours nga training una sila mahatagan og certificate ug starter kits nga ilang magamit aron makabaton o makasugod sila og kaugalingong negosyo.

Ang kagamhanan sa probinsiya nagplano nga ang maong scholarship program i-extend ngadto sa kalungsuran sa amihanan. (BANAT NEWS)