Bakanteng pwesto sa barangay pahulipan sa mayor

CEBU, Philippines - Ang mayor maoy mopili sa ipuli nga opisyal sa barangay kung ang kapitan o konsehal nakadaug sa mas taas nga posisyon nga iyang gidaganan sa nilabay’ng eleksiyon.

Ang provincial director sa Department of Interior and Local Government, Jerome Gonzales, nagkanayon nga kung ang kapitan makadaug sa mas taas nga posisyon, ang numero unong konsehal maoy mopuli.

Adunay mabakante sa pwesto sa pito ka konsehal ug ang mayor na ang motudlo sa ipuli apan ang konseho sa barangay kinahanglan nga mopalabang una og resolusyon nga magrekomendar sa itudlo sa mayor.

Subay niini ang DILG nangandam na usab sa ilang training program sa pag-edukar sa mga bag-ong napiling opisyal sa kabarangayan.

Dugang ni Gonzales nga bisan kapila na nasublian sa pagkapili ang ubang mga opisyal sa barangay apan ila gihapon kining edukahon may kalambigitan sa ilang katungdanan ug angayan nilang buhaton. (BANAT NEWS)