Mga dalan sirad-an alang sa Gabii sa Kabilin

CEBU, Philippines – Temporaryong sirad-an sa Cebu City Transportation Office (CCTO) ang dalan Lopez Jaena ugma sa gabii alang sa Cultural tour sa mga delegado sa International Eucharistic Congress.

Kini mao ang tinuig nga ipahigayon sa Ramon Aboitiz Foundation Incorporated (RAFI) nga "Gabii sa Kabilin" nga naandan sa mga Sugboanon nga pagbisita sa mga lugar kabilin ug adunay dakong papel sa kalamboan sa Sugbo.

Nalakip sa mga giampingan nga kayamanan sa Sugbo nga maoy bisitahon sa mga delegado mao ang Cathedral Museum diin gihipos ang mga bisti sa obispo sa Archdiocese of Cebu, Yap- San Diego Ancestral House nga natukod panahon pa sa Katsila diha sa Parian, Jesuit House nga maoy gipuy-an kaniadto sa maong mga pari sulod sa taas nga panahon ug ang Basilica Minore del Santo Niño de Cebu.

Sa suwat ni Msgr. Agustin Ancajas, PC Chairman sa Cultural Events Committee iyang gihangyo ang CCTO nga temporaryong sirad-an ang dan gikan sa Mabini paingon M.J Cuenco Avenue nga maoy mga dan nga maagian atol sa tour.

Si CCTO Executive Director Atty. Rey Gealon nagkanayon nga  magpabilin nga sirado ang mga nahisgotan nga dan hangtud mahuman ang Cultural Tour sa mga delegado sa IEC.

Sugdan ang pagsirado sa dan sugod alas 7 sa gabii hangtud na sa alas 10 apan agdon ang gidaghanon sa tawo nga mosalmot sa kalihokan. – /EIM) (BANAT NEWS)