Isyu sa ihawan wa pa mahusay
CEBU, Philippines - Girekomendar sa Mandaue City Treasurer’s Office ang pagpasirado sa Cebu City Modern Abattoir tungod sa kapakyas niini pagbayad og business tax ug pagduso og permit ngadto sa siyudad sa Mandaue.
Matud ni Atty. Regal Oliva, city treasurer sa Mandaue, wala gihapon makaduso sa gikinahanglang dokumento ang Cebu City government sa maong ihawan nga anaa sa Brgy. Subangdaku, Mandaue City bisan pa man sa pipila na ka demand letters ngadto nila.
Niadtong miaging Agosto 14, mipadala ang Mandaue City government sa final demand letter ngadto sa Cebu City nga kinahanglang mokuha na sila og business permit sa Mandaue City.
Apan hangtud ning pagbalita wa gihapon mosumitir ang Cebu City sa mga dokumento nga gipangayo.
“I talked with the Mayor (Michael Rama). The mayor is willing to settle with everything that we need to settle. I think it’s his soldiers. There is something wrong with the people working around the mayor of Cebu City,” nagkanayon Oliva.
Gisaway sab ni Oliva ang pakyas nga pagbayad sa Cebu City sa buhis niini.
Si Cebu City Treasurer Diwa Cuevas sa iyang bahin miingon nga personal niyang adtoon si Oliva kay taud-taod na silang nagpaabot niini aron sultihan sila pilay angay bayran sa Cebu City. (Sheriza Mae Uy ug Jave Matugas/EIM)(BANAT NEWS)
- Latest
