Nangulata sa asawa nasakmitan armas, drugas

CEBU, Philippines - Nasakmitan og pugakhang ug shabu ang usa ka dinakpan sa barangay Tabla, lungsod sa Liloan kinsa gi-alarma tungod sa pagpangulata sa iyang asawa alas 5 pasado ang takna sa hapon niadtong miaging adlaw.

Si PO1 Eden Pepito miila sa nadakpan nga si Nader Tundag Mariquet, 41-anyos, kinsa unang gi-alarma sa pagkulata sa asawa.

Si barangay kapitan Henry Tajay ang nag-alarma sa kapolisan.

Naaktohan sa kapolisan ang suspek nga nagbitbit sa pugakhang ug sa pagrekisa maoy nakuha ang usa ka dakung putos sa shabu ug duha ka gagmay nga pakete. (Romeo T. Limpangog/GMR)(BANAT NEWS)