Rama ngadtong Osmeña: Huwat sa 2016
CEBU, Philippines- Miawhag si Cebu City Mayor Michael Rama kang kanhi mayor Tomas Osmeña nga mag-atubang lang sila sa eleksiyon karong 2016.
Kini nunot sa report nga giingong dunay buhatong lakang ang kampo ni Osmeña sa pagpasaka og petisyon sa pagbaliwala sa resolusyon sa konseho nga naghatag og pagtugot kang Rama sa pagbaligya sa luna sa South Road Properties (SRP). Matud ni Rama nga tanan nilang gibuhat alang sa katawhan ug hatagan lang unta sila og higayun sa pagdumala tungod kay sila maoy dunay mandato karon.
Dugang ni Rama nga “defeat is to be accepted, waiting is a virtue but quarreling it’s a sin”.
Sa milabay’ng adlaw gikwestiyon ni Osmeña ang lakang sa konseho sa pagpalabang sa maong resolusyon.
Matud ni Osmeña nga ang nahisgutang resolusyon dili maka-pausab sa ordinansa sa “unsolicited proposals” nga gipalabang niadtong Hulyo 18, 2012.
Niadtong Agosto 14, ang konseho lakip ang upat ka konsehal nga kaalyado sa Bando Osmeña Pundok Kauswagan (BOPK) mipalabang sa resolusyon sa paghatag og pagtugot kang Rama sa pagbaligya sa mga luna sa SRP. - /GMR) (BANAT NEWS
- Latest
