Uyuan giunay ug dunggab sa pag-umangkon

CEBU, Philippines - Natusak-tusak sa samad dinunggaban ang kalawasan sa usa ka 52-anyos nga uyuan human giunay sa iyang pag-umangkon sa dakbayan sa Toledo.

Ang biktima mao si Thomas Piloto samtang ang suspek giila nga si Alfer Piloto pulos nagpuyo sa barangay Talavera dakbayan sa Toledo.

Matud ni PO1 Jonathan Cuizon, duty desk officer sa Toledo City Police Station nga nahinabi sa Banat News mitahan dayon ang suspek atol sa pag-abot sa iyang mga kaubanan.

Daling gidala sa tambalan ang biktima nga nabulit sa samad dinunggaban ang lawas. Dihang nahinabi usab ang suspek miangkon kini sa iyang gibuhat ug nagkanayon nga gisugo siya sa iyang inahan sa pagdunggab sa iyang kaugalingong uyuan.

Nasayran nga dugay nang dili maayo og relasyon ang iyang inahan ug ang biktima tungod kay gidudahan kining maoy mipatay sa iyang igsuon kaniadto.(/EIM)(BANAT NEWS)