CEBU, Philippines - Nakatigum na ang Department of Environment and Natural Resources-7 og kapin sa 4.6 milyones ka seedlings alang sa National Greening Program sa Central Visayas.
Hinuon sumala pa ni DENR-7 Regional Executive Director Isabelo Montejo ang gidaghanon 42 porsiyento lang sa target nga 11 milyones nga seedling production karong tuiga.
Gihingusgan ang maong programa aron malukop sa tanum ang kabukiran tumong sa pagpaminus sa kainit ug kapugngan ang grabeng pagbaha ug pagdahili sa yuta atol sa ting-ulan.
“We have been very aggressive in producing seedlings of various tree species mostly indigenous or native and agro-forestry in preparation for tree planting and growing activities,†matud ni Montejo.
Ang probinsiya sa Sugbo ang adunay labing daghan nga natigum nga niabot sa 1,942,927 ka mga seedlings ug gisundan kini sa Bohol nga may 1,506,610; Negros Oriental nga may 1,142,651; ug ang Siquijor adunay 26,500 ka seedlings.
Giklaro ni Montejo nga ang programa makatabang sa mga kabus kay sila man ang benepisyaryo nga makadawat sa ayuda.
“Our forests are important in providing stable watershed function and nutrients, steady supply of food and shelter for wildlife, adequate supply of seeds and wildlings, protection from heavy rains and storms, windbreaker, prevention of flash floods and landslides and revival of biodiversity,†dugang ni Montejo. (/GMR)(BANAT NEWS)