MERS-CoV wa makapamenus sa aplikante para mid-east
CEBU, Philippines - Bisan sa hulga sa sakit nga Middle East Respiratory Syndrome-Coronavirus (MERS-CoV) didto sa Middle East, wa mokunhod ang gidaghanon sa mga Filipino nga gustong makatrabaho didto.
Matud ni Philippine Overseas Employment Administration (POEA) 7 Regional Director Evelia Durato, ‘isolated case’ ang maong virus ug wala kini nakapaguol sa mga aplikante sa mga apektadong lugar.
Matud niya ang mga trabahante sa naapektuhan nga lugar wala makuyawi sa maong sakit.
“Kanang moingon nga epidemic na, anha makuyawan na ‘ta ana, unya wala man,†dugang niya.
Apan, aduna gihapo’y gibuhat ang POEA sa pagpugong sa pagpakatap sa virus alang sa seguridad ug pagpanalipod sa mga mamumuo sa mga apektadong lugar.
Masaligon ang ahensiya nga lig-on ang ilang koordinasyon sa mga employer ug mga lisensyadong ahensiya sa Middle East batok sa virus.
Mipagawas og pahimangno ang POEA sa mga OFWs gikan sa apektadong lugar nga gustong mobalik sa Pilipinas, kinahanglang mopaubos sila sa eksaminasyon sa mga tambalanan.
Kinahanglang mokooperar sila sa mga tinugyanan sa Bureau of Quarantine ug sa Department of Health aron maatiman dayon sila sa ilang pag-abot ug aron usab kapugngan ang iresponsableng pagkatap unya sa maong virus dinhi sa nasud. (BANAT NEWS)
- Latest
