Napulo ka tawo gitipos sa Tuburan
CEBU, Philippines - Napulo ka kaso sa gituohang tipos ang natala sa barangay Montealegre lungsod sa Tuburan kagahapon.
Matud ni Cynthia Genesolango, ang hepe sa Integrated Provincial Health Office (IPHO) nga ang mga pasyente nga anaa karon sa Tuburan District Hospital nakasinati og taas nga hilanat sa pipila na ka adlaw human sila nakainom og kontaminadong tubig.
Hinuon giklaro ni Genesolango nga dili pa nila kini makonsiderar nga usa ka outbreak
“There is a certain number that we can already classify a disease an outbreak. The numbers get higher rapidly,†sumala ni Genesolango.
Gitataw usab ni Genesolango nga kinahanglan pa nga moagi og laboratory tests usa pa nila mahibaw-an kun tipos ba gayod ang maong sakit.
“Specific test to establish whether this is indeed a typhoid fever. An examination of the blood that will tell us that there is a presence of bacteria causing the typhoid fever,†sigon ni Genesolango.
Mipadala na kagahapon ang IPHO og mga medical personnel aron sa pag-monitor ug pag-atiman sa mga pasyente nga nakagawas na sa tambalanan. Iya usab gipahimangnoan ang katawhan kinahanglang pabukalan gyud ang tubig nila nga imnon.
“Typhoid fever is a water-borne disease. Dako’g papel ang atong mga sanitary inspectors. We advise our folks to drink water from reliable source. I-boil gyud for not less than 15 minutes.†Ang buhatan sa Regional Epidemiology and Surveillance Unit (RESU) miimbestigar na sa maong kaso nga gipangulohan ni Rennan Cimafranca aron pagkuha og mga samples aron ilang matan-aw sa laboratoryo pagtino kun tipos ba gyud kini. - /EIM (BANAT NEWS)
- Latest
