2 ka polis nga naeskapoha’g dinakpan pakasohan sa PIDMB
CEBU, Philippines - Ang Provincial Investigation Detective and Management Branch sa Cebu Provincial Police Office mipasaka og kasong grave misconduct batok sa duha ka mga polis kinsa wala namalik sa Pinamungajan Police Station uban sa ilang mga dinakpan gikan mipasaka og kasong robbery niadtong Enero 21.
Ang PIDMB mirekomendar nga pasakaan og kasong grave misconduct sila si PO2 Alcris Labrador ug PO2 Berdie Nuñez, tungod kay migawas sa pre-charged evaluation nga sad-an gyud sila ug gitakda na ang summary hearing. Matud pa nga sila si Labrador ug Nuñez nagpabilin sa Cebu City ug wala na nanguyog pagbalik sa police station kay day off na man sila adtong higayuna dihang ilang gipasaka ang kasong robbery batok nila ni Joed Silva, 21 ug Joel Canillas, 21, sa Cebu Provincial Prosecutor’s Office.
Si Supt. Rodolfo Albotra, hepe sa PIDMB, miingon nga kinahanglan gyud unta nga kuyogan sa duha ka pulis ang mga dinakpan kay sila may nakadakop sa duha.
Sa investigation report sa duha, sila mirason nga “impractical†na kanila nga mobalik kay day-off nila nianang adlawa ug mga residente sila sa Cebu City.
Bisan pa man nakaposas, sila si Silva ug Canillas misuway og ikyas pinaagi sa paglayat sa patrol car samtang nagdagan sa national highway sa Toledo City. Nadakpan ra hinuon pagbalik ang duha.
Matud ni Albotra nga sayop nga gitahasan sa duha si PO1 Joselito Genon aron mao ray mo-escort sa mga piniriso balik sa Pinamungajan. (/EIM)(BANAT NEWS)
- Latest
